قوانين مدير منتدى عصبى

بيقولك في واحد عصبي جدا عمل منتدي و كان هو المدير عام علي المنتدى
شوفوا وش القوانين اللي حطها

1-عضويتك تبقي بأسم محترم و ابن حلال و يا ريت تكون بالعربي
مش هقرف نفسي و أقعد أترجم انا و إلا هتتوقف
و أي حد مش عاجبني اسمه هيتوقف

2-أي رد مفهوم أو غير مفهوم هتتوقف

3-تشارك من سكات

4-قسم الفرفشة تكتب تعليق و انت ساكت و مش عاوز ضحك

5-قسم المسابقات تلعب من غير أي هزار

6-ماتقعد فاتح المنتدي طول اليوم عشان متضغطش علي السيرفر
خلي فرصة لغيرك عشان يتنيل يدخل

7-أي موضوع مكرر أو منقول أو حتي جديد يحذف فورا

8-قسم الشكاوي مشوفش فيه موضوع واحد و إلا تتوقف
9-تخليك في حالك و متتكلمش مع حد من الأعضاء جوة المنتدي أو برة المنتدي

10-ممنوع أي هزار أو تعارف أو تهنئة

» سكران يكتب موضوع في منتدى